Kreu i opozitës Lulëzim Basha ka sjellë në vëmëndje ngjarjen 31-vjeçarit, Klajdi Muça i cili u vetëvra për shkak të mos pagimit të një fatyre elektrike. Sipas Bashës kjo dramë është e përsëritur dhe se qeverisa e tij e ardhshme nuk do të lerë asnje familje në errësirë për shkak se nuk paguan dot energjinë. “Deri në 200 kw energji per muaj do ta paguajë shteti për familjet në pamundësi ekonomike”, shkruan Basha.
Postimi:
“Ku kam mundësi unë të paguaj kaq para? Veç të vras veten…” Këto kanë qenë fjalët e fundit të 31-vjeçarit Klajdi Muça, në zyrën e OSHEE-së në Kamzë, që janë dëgjuar nga dhjetëra dëshmitarë mesditën e së hënës.” Fatura që i duhej të paguante, në mënyrë që OSHEE-ja të mos i priste dritat, ishte 80 mijë lekë të rinj. Klajdi, babai i një fëmije të mitur, në pamundësi të sigurimit të shumës së parave i ka dhënë fund jetës duke u vetvarur. Kjo dramë e përseritur këto vite për shkak të pamundësisë së pagesës së energjisë duhet të marrë fund!
Ne nuk do të lemë asnjë familje në errësirë se nuk paguan dot energjinë. Deri në 200 kw energji per muaj do ta paguajë shteti për familjet në pamundësi ekonomike.
Në qeverisjen tonë buka, uji dhe dritat do të jenë të garantuara për çdo familje. Qytetari nuk do të jetë më i harruar dhe i braktisur në dëshpërim”, shkruan ai në Facebook. (J.V/Shuplaka)
