Probleme me rrogat, mosshlyerje kohë e tyre? Pesë punonjës të një ‘’Call Centeri’’ në Durrës e kanë gjetur zgjidhjen. Ata e kanë paditur pronaren e tyre italiane për ‘’mashtrim’’ dhe ‘’fshehje të të ardhurave’’.
Detajet :
Policia e Durrësit bën me dije se specialistët e Seksionit Kundër Krimit Ekonomik dhe Financiar në Drejtorinë Vendore të Policisë Durrës filluan proçedimin penal në gjendje të lirë në ngarkim të shtetases E.L. 35 vjeçe, shtetase Italiane, administratore e një firme “Call Center” në Durrës.
“Më datë 25.01.2017, ndaj shtetases së mësipërme kanë bërë kallëzim shtetasit M.K. 37 vjeçe, A.V. 41 vjeç, E. Ç. 23 vjeç, V.F. 23 vjeç dhe F.Ç. 41 vjeç, banues në Durrës”- njofton policia.
Sipas saj, kallëzuesit janë punonjës në firmën e Call Center me administratore shtetasen E.L. , të cilët janë mashtruar duke mos marrë pagën për punën e kryer. Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale “Mashtrimi” dhe”Fshehja e të ardhurave”parashikuar në nenet 143 dhe 180 të Kodit Penal. (E.K/SHUPLAKA)
Discussion about this post