‘’Betohem’’, deputetët më të rinj të Kuvendit nisin seancën.Akti i parë i senacës së sotme në Kuvend ishte betimi i dy deputetëve të rinj. Një nga rradhët e LSI-së dhe tjetri nga rradhët e PDIU-së, të dy deputetë në qarkun e Vlorës.
Kush është Flamur Çelaj?
Është një nga figurat kryesore të LSI-së në Qarkun e Vlorës. Për këtë arsye, në zgjedhjet parlamentare të vitit 2013, strukturat e partisë e propozuan edhe kandidat për deputet, kjo edhe për shkak të mbështetjes që ai gëzon në Vlorë e zonat përreth. Ai u vendos i dyti në listën e LSI-së pas Shkëlqim Selamit. Çelaj ka mbaruar Akademinë e Rendit në Policinë e Shtetit dhe aktualisht mban postin e Drejtorit Ekzekutiv të Autorititetit të Aviacionit Civil.
Kush është Edmond Zejno?
Deputeti më i ri i PDIU-së, Edmond Zejno gjatë zgjedhjeve parlamentare të 2013-ës zhvilloi një fushatë të fortë në Sarandë dhe Delvinë me shpresën se PDIU do të arrinte të merrte 2 mandate në Qarkun e Vlorës. Edhe drejtuesit e PDIU ia lanë atëherë Edmond Zejnos gjithë barrën e fushatës elektorale në Sarandë dhe Delvinë. (E.K/SHUPLAKA)
