Në operacionin e koduar ndërmarrë së fundmi nga Policia e Tiranës, u vunë në pranga dy persona, u shpall në kërkim një i tretë dhe u sekuestruan 1 kg lëndë narkotike kokainë.
U arrestuan Gjergji Gjinaj, 49 vjeç, banues në Tiranë, i dënuar më parë për “Prodhim dhe shitje të lëndëve narkotike”; Ismail Alushi, 53 vjeç, banues në Tiranë, i dënuar më parë për “Fallsifikim të dokumentave” dhe u shpall në kërim shtetasi: – A. K., 41 vjeç, banues në Tiranë.
Ndërkaq detaje të tjera bëhen me dije lidhur me të arrestuarit, nga një portal online, referuar burime të policisë. Mësohet se 49-vjeçari Gjinaj ka qenë ish-polic patrulle në Laç, detyrë të cilën e ka mbajtur deri para pak vitesh, për t’u kapur në Durrës nën akuzën e trafikimit të lëndëve narkotike.
Nga ana tjetër, Ismail Alushi, i njohur ndryshe si “Beb”, ishte organizatori i këtij grupi trafiku droge, i cili siguronte lëndën narkotike. Ai ka qenë më herët i dënuar për “Falsifikim të dokumenteve”.
Nga ana tjetër, i shpalluri në kërkim, Arnold Alushi punon si specialist tek Drejtoria e Transportit Rrugor, tek patentat ndërkombëtare në Kashar. (XH.A/SHUPLAKA)
