Piloti italian Guido Guidi është larguar nga Shqipëria pas garancisë prej 10 mijë eurosh. Mësohet se ai është drejtuat drejt shtetit italian për t’iu nënshtruar një trajtimi mjekësor.
Ai u largua nga Tirana në rrugë ajrore drejt Bologna-s, katër muaj pas rrëzimit të avionit të tij, ndërkohë që hetimet në Shqipëri vazhdojnë.
Rreth dy ditë më parë u bë e ditur se 69-vjecarit me vendim të gjykate iu kthye pasaporta, e cila i ishte sekuestruar në kohën kur u rrëzua avioni. Në vendimin e gjykatës thuhet se piloti do të jetë në dispozicion të Prokurorisë dhe do të paraqitet për t’u pyetur sa herë që atij t’i kërkohet.
Guido u rrëzua me avionin në Ishëm, më 15 shtator 2016. (XH.A/SHUPLAKA)
