Barcelona ka kaluar në gjysmëfinalet e Kupës së Mbretit, pas fitores së thellë ndaj Real Sociedadit. 7 gola janë shënuar në këtë ndeshje, ku rezultati është mbyllur 5-2 në favor të katalanasve.
Serinë e golave e hapi Denis Suarezi në minutën 17-të, ndërsa Messi e dyfishoi rezultatin e ndeshjes me anë të një penalltie në minutën e 55-të.
Ekipi mik e ka ngushtuar avantazhin në minutën e 62 nga Juanpi, por i menjëhershëm ka qenë reagimi i Barcelonës,e cila pas një minuti nëpërmjet Luiz Suarez-it ka trefishuar rezultatin.
Sakaq bardheblutë kanë ngushtuar sërish rezultatin në minutën e 73-të me William Jose. Megjithatë ekipi i Enrikes është kundërpërgjigjur sërish me anë të Arda Turan duke e katërfishuar rezultatin.
Por ndeshjen e ka mbyllur Denis Suarez duke shënuar edhe një dopietëpersonale. Barcelona arriti të fitonte edhe ndeshjen e parë në “Anoeta”, që ishte edhe fitorja e parë mbas 10 vitesh në atë fushë. Në raundin tjetër janë kualifikuar Atletiko Madrid, Selta Vigo dhe Alaves.(K.P/SHUPLAKA)
Discussion about this post