Shërbimi për Çështjet e Brendshme dhe Ankesat në Kukës ka vënë në pranga një efektiv policie që akuzohet për zhdukjen nga magazina e Komisariatit të Hasit, të tre pistoletave.
Ai është vënë në pranga nën akuzën e ‘shpërdorimit të detyrës’ për incidentin e dyshimtë të ndodhur brenda komisariatit.
Është kryer arrestimi i Shaban Bera, 54 vjeç, me detyrë Kujdestar-Magazinier, pranë Komisariatit të Policisë Has.
“Nga inspektimi i kryer nga Specialistët e Drejtorisë së Inspektimit të SHÇBA-së, në ambientet e magazinës së armatimit të Komisariatit të Policisë Has, u konstatua se mungonin 3 pistoleta, 210 fishekë, si dhe mosrakordim të numrit serial të një pistoletë thikë.
Pas kryerjes së veprimeve paraprake hetimore materialet i kaluan Prokurorisë së Rrethit Gjyqësor Kukës për veprime të mëtejshme.”, bëhet me dije në njoftimin e policisë. (XH.A/SHUPLAKA)
Discussion about this post