Tetë muaj pas supergrabitjes në Rinas, ku maskat mundën të marrin nën kërcëmin e armës 1 milionë euro nga pista e aeroportit “Nënë Tereza”, bëhet e ditur se Prokuroria e Krimeve të Rënda ka siguruar provat që identifikojnë autorët e krimit.
Dhjetëra veprime hetimore janë kryer gjatë kësaj kohe mbi disa persona të dyshuar dhe mësohet se tashmë hetimi është përqëndruar mbi tre persona të vetëm, si të dyshuarit kryesorë të grabitjes të shënuar më 30 qershor 2016.
Mësohet se ata janë identifikuar dhe pritet vetëm vënia e tyre në pranga. Për arrestimine tyre është menduar ndërhyrja në fshehtësi të plotë nga forcat speciale. Emrat e tyre nuk bëhen me dije për shkak se dosja ende nuk është finalizuar.
Në dinamikën e ndërtuar nga prokurorët, rezulton se dy personat që çanë rrethimin e aeroportit dhe hynë brenda territorit të tij me një automjet të kuq dhe të armatosur, kanë pasur dhe një bashkëpunëtor të tretë. Ky person, ka pasur rolin e ndihmësit, për sa i përket largimit të tyre dhe humbjes së gjurmëve. (XH.A/SHUPLAKA)
Discussion about this post