30 kilogramë lëndë narkotike “Cannabis sativa” janë gjetur dhe sekuestruar brenda banesës së 54-vjeçarit Ivzi Sada në Tepelenë. Lënda narkotike e ndarë në 5 thasë plastmasi, u gjen e fshehur në një kasolle.
Policia vuri në pranga 54-vjeçarin dhe mësohet se ka shpallur në kërkim djalin e tij, shtetasin me iniciale E. S. 21 vjeç.
Bëhet e ditur se në momentin e kontrollit, ai ka kundërshtuar punonjësit e policisë duke goditur me grusht njërin prej tyre.
Detaje të policisë:
Sekuestrohen 30 kg kanabis në Tepelenë, ndërsa në pranga ka rënë një 54-vjeçar, si dhe është shpallur në kërkim djali i tij. Burime zyrtare për ‘BalkanËeb’ deklaruan se është kapur Ivzi Sada, ndërsa në kërkim është 21-vjeçari me inicialet E.S.
Gjatë kontrollit policor mësohet se droga u gjet e fshehur në banesën e shtetases D.I në qytetin e Tepelenës, ndërsa në kasollen e kësaj banese janë gjetur 5 thasë plasamasi, ku brenda tyre kishte lëndë të dyshuar narkotike të llojit Cannabis Sattiva, me peshë totale rreth 30 kg.
Në momentin e kontrollit, Izvi Sada ka kundërshtuar punonjësit e policisë duke goditur me grusht njërin prej tyre. Po kështu në bazë të veprimeve hetimore të kryera filloi procedimi penal në gjendje të lirë për shtetaset D.I dhe F.S. Materialet i kaluan Prokurorisë Pranë Gjykatës së Shkallës së Parë Gjirokastër për hetim të mëtejshëm në ngarkim të shtetasve të lartpërmendur.
(XH.A/SHUPLAKA)
