Ministrja për Dialog në qeverinë e Kosovës Edita Tahiri konfirmon se në fokus të diskutimeve në rundin e ardhshëm të bisedimeve për normalizim të marrëdhënieve në mes Prishtinës dhe Beogradit, do të jetë rikonfirmimi i zbatimit të marrëveshjeve të arritura në të kaluarën.
Në takimin që do të zhvillohet më 1 shkurt në Bruksel, do të trajtohen ndër të tjera: bllokimi i çështjes se energjisë elektrike apo pavarësimi i Operatorit të sistemit, Transmisionit dhe Tregut të Energjisë Elektrike të Kosovës (KOSTT), nga ana e Serbisë.
Përfaqësuesja e lartë e Bashkimit Evropian për politikë të jashtme dhe siguri, Federica Mogherini, do të mirëpresë sërish Kryeministrin e Kosovës Isa Mustafa dhe atë të Serbisë Aleksandër Vuçiç për një raund të dytë bisedimesh.
“Marrëveshjet të cilat do diskutohen janë: bllokimi i çështjes se energjisë elektrike apo pavarësimi i Operatorit të sistemit, Transmisionit dhe Tregut të Energjisë Elektrike të Kosovës (KOSTT), nga ana e Serbisë. Pastaj, është çështja e zbatimit të marrëveshjes për drejtësi, që ishte paraparë në fillim të muajit janar, por po prolongohet dhe çështja e Asociacionit të Komunave Serbe”, tha Edita Tahiri. (A.H/Shuplaka)
Discussion about this post