Një grabitje është shënuar orët e para të mëngjesit të sotëm në kryeqytet. Raportohet që grabitja të ketë ndodhur rreth orës 04:20 të mëngjesit në rrugën dytësore Tiranë-Vorë.
Nga informacionet e deritanishme bëhet me dije se tre persona ende të paidentifikuar, të maskuar dhe armatosur, kanë hyrë nga muri i pasëm i godinës dhe kanë lidhur rojen.
“Grabitësit lidhën rojen dhe i morën celularët.”, bëhet e ditur nga burime të policisë.
Në vijim, ata kanë hapur me forcë kasafortën ku kanë grabitur një sasi të konsiderueshme parash. Flitet se janë grabitur 140 mijë lekë.
Grupi hetimor ka shkuar në vendngjarje dhe ka nisur hetimin për zbardhjen e plotë të saj, identifikimin dhe kapjen e autorëve. (XH.A/SHUPLAKA)
Discussion about this post