Kryeministri Rama pas një takimi për rreth 45 minuta në Kryesinë e Kuvendit me Ilir Metën është shfaqur në një tjetër takim. Këtë herë në krah të Ministrit të tij Tahiri, në një konferencë mbi regjistrimin e popullsisë.
Ndërkohë që debatet për një çarje mes koalicionit janë shtuar, ku Rama mësohet se ka kërkuar shkarkimin e Manjanit dhe LSI është përgjigjur me kërkesën e Tahirit Rama duket se ‘’nuk çan kokë’’. Edhe herë të tjera Rama e ka shprehur publikisht mbështetjen për Ministrin e tij të Brendshëm.
Kërkesa për shkarkimin e Tahirit mësohet se ka ardhur pas akuzave dhe në media nga deputeti i LSI-së Koka që ka akuzuar policinë e Tahirit.
‘’E vërteta është nëse ka një shembull më kuptimplotë për prapambetjen nga ana e shtetit është Shqipëria është nga të paktat vënde në botë se Shqipëria sot e gjithë ditën nuk ka një të dhënë të saktë se ku jetojnë banorët e saj. Sipas të dhënave të gjendjes civile popullsia e Shqipërisë është 4.4 milionë banorë, ndërkohë që ne flasim për shifrën 3 milionë, 3 milionë, 3 milionë. Një libër i famshëm për territorin i një prej autorëve më të njohur në botë fillon duke i kujtuar lexuesit se rëndoom filmat amerikanë nisin me komunikimin e adresës. Në fakt te adresat ndahen shtetet nga vendet pa shtet’’, ka thënë Rama përsa i përket rregjistrit të adresave. (E.K/SHUPLAKA)
