2000 lekë policit për t’i shpëtuar gjobitjes, arrestohet 27-vjeçari në Kavajë

Një 27-vjeçar i identifikuar si Bledar Rustani është vënë në prangat e policisë pasi tentoi të korruptojë me 2000 lekë efektivin e Rrugores.

Ai u ndalua pas konstatimit të mosvendosjes së rripit të sigurimit. Materialet për këtë rast do i kalojnë Gjykatës së Rrethit Gjyqësor Kavajë.

Detaje nga Policia e Durrësit:

Goditet një tjetër rast i mitëdhënies I ofron ryshfet punonjësit të policisë rrugore për të shmangur masën administrative për mos përdorim të rripit të sigurimit, arrestohet në flagrancë drejtuesi i mjetit.

Më datë 30.01.2017, në Kavajë, shërbimet e Policisë Rrugore, kanë arrestuar në flagrancë shtetasin: – Bledar Rustani, 27 vjeç, banues Kavajë. Ky shtetas është ndaluar nga shërbimet e Policisë Rrugore pasi është konstatuar duke drejtuar automjetin tip “Mercedes Benz”, pa vendosur rripin e sigurimit.

Pasi këtij shtetasi i është komunikuar shkelja e konstatuar, ka tentuar ti japë 2000 lekë të reja punonjësit të Policisë, për ti’u shmangur masës administrative plotësuese.

Materialet i’u kaluan Prokurorisë pranë Gjykatës së Rrethit Gjyqësor Kavajë, për veprën penale “Korrupsion aktiv ndaj personave që ushtrojnë funksione publike”, parashikuar nga Neni 244 i Kodit Penal.

(XH.A/SHUPLAKA)