Dhunoi gruan, gjatë kontrollit policia i gjen armë në banesë, arrestohet 32-vjeçari në Shkodër

Një ri në Shkodër ka dhunuar gruan e tij. Në pranga ka rënë Lorenc Ndoci, 32-vjeç, banues në Velipojë.

Gjatë kontrolit të policisë në shtëpinë e  32-vjeçari është gjendur edhe një armë zjarri. E dëmtuara, njofton policia, u transportua në Spital për të marrë ndihmën e nevojshme mjekësore dhe ndodhet jashtë rrezikut për jetën. Motivi i kësaj ngjarje dyshohet të jetë për motive të dobëta.

Detaje:

Menjëherë në vendngjarje kanë mbërritur shërbimet e stacionit të Policisë Velipojë dhe shërbimet e Komisariatit të Policisë Shkodër, të cilët konstatuan se në banesë shtetasi Lorenc Ndoci, kishte ushtruar dhunë fizike ndaj bashkëshortes së tij, shtetases L.N. 41 vjeçe, banuese në Velipojë dhe ishte larguar.

 Pas 30 minutave, nga njoftimi i të dëmtuarës, Shërbimet e Policisë, falë veprimeve të shpejta hetimore, vlerësimit të ngjarjes dhe si rezultat i gadishmërisë, bënë të mundur kapjen e autorit të dyshuar, dhe konkretisht shtetasin:* Lorenc Ndoci, 32 vjeç, banues në Velipojë.

 Gjatë kontrollit të ushtruar në banesë u gjet një armë zjarri automatike, e cila u sekuestrua në cilësinë e provës materiale.

“Materialet proceduriale do ti referohen Prokurorisë së Rrethit Gjyqësor Shkodër për veprat penale “Prodhim dhe mbajtja pa leje e armëve luftarake dhe e municionit” dhe “Dhuna në familje” parashikuara nga nenet 278 e 130/a të Kodit Penal”, thuhet në njoftimin e policisë. (J.V/Shuplaka)