Deputeti Ben Blushi ka reaguar sërish mëngjesin e ditës së sotme ndaj atyre mediave që kanë publikuar deklarata të pavërteta, të cilat nuk janë thënë e shkruar nga Ben Blushi real.
Ai shprehet se i ka kontaktuar vetë secilën prej mediave që nuk kanë bërë asnjë përgënjeshtrim formal.
Teksa kërkon nga të gjitha portalet që të postojnë reagimin më të fundit të tij, Blushi u bën thirrje gazetarëve mekanikë që të kenë mirësinë ta regjistrojnë si link faqen e tij zyrtare.
Reagimi i Ben Blushit
NJË SQARIM PËR PORTALET E SHQIPËRISË
Shumicën prej mediave i kam komunikuar personalisht për t’u thënë se Ben Blushi që kanë cituar nuk është Ben Blushi. Megjithatë asnjë prej tyre nuk ka bërë një përgenjeshtrim formal.Jam i detyruar ti kujtoj se kjo është e vetmja faqe zyrtare, nga disa dhjetëra anonime, në të cilën mund të marrin mendimet,komentet, fotot, videot dhe aktivitetin tim. Duke shpresuar se ky keqkuptim është mirekuptuar nga të gjithë u kërkoj portaleve ta postojnë këtë reagim të detyruar dhe të nevojshëm. Shpresoj se paskëtaj, gazetarët mekanikë të portaleve do kenë mirësinë ta rregjistrojnë si link faqen time zyrtare që është vetëm kjo dhe asnjë tjetër!
(XH.A/SHUPLAKA)
Discussion about this post