Aksidentoi për vdekje në Sarandë 62-vjeçarin që udhëtonte me motor, arrestohet në flagrancë 30-vjeçari banues në Tiranë

30-vjeçari Jeton Doda, drejtuesi i mjetit tip “Benz” që u përfshi në aksidentin e një dite më parë në aksin rrugor Ura e Gajdarit-Krane, është vënë në prangat e policisë.

Ai akuzohet se aksidentoi për vdekje shtetasin 62-vjeçar që udhëtonte me motor, i cili pavarësisht transportimit me helikopter në Spitalin e Traumës, nuk i mbijetoi plagëve të marra.

Detaje të Policisë së Sarandës:

Policia ka arrestuar në flagrancë shtetasin: – Jeton Doda, 30 vjeç banues në Tiranë. Policia ka bërë arrestimin e tij, pasi ditën e djeshme, ky shtetas duke udhëtuar në aksin rrugor Ura e Gajdarit – Krane, me mjetin tip Benz me targë TR 7316 U, është përplasur pranë fshatin Vrion me motoçikletën “Tianma”, me drejtues shtetasin D.Gj., 62 vjeç, banues në fshatin Vrion, i cili u transportua në Tiranë dhe humbi jetë në ambientet e Spitalit të Traumës.

(XH.A/SHUPLAKA)