Avokati i Popullit, Igli Totozani, ka përsëritur apelin e tij drejtuar të gjithë të interesuarve që plotësojnë kriteret për të aplikuar në pozicionet e anëtarëve të institucionit të Vettingu-t.
Ai bën me dije se të gjithë qyteratë shqiptarë që plotësojnë kriteret, të paraqesin shprehjen e interesit dhe të dorëzojnë dokumentacionin brenda datës 9 shkurt 2017.
“Jemi duke pritur aplikimet përkatëse për pozicionet e anëtarëve të institucineve të rivlerësimit kalimtar të gjyqtarëve dhe prokurorëve në Shqipëri.
Dëshiroj të përsëris publikisht thirrjen për një pjesëmarrje sa më të gjerë të të gjithë qytetarëve shqiptarë brenda apo jashtë vendit që përcaktojnë kriteret ligjore që të aplikojnë për vendet vakante, anëtarë të komisionit, gjyqtarë të kolegjit të apelit si dhe komisionerit publik.
Të gjithë kandidatët duhet të paraqesin shprehjen e interesit dhe të dorëzojnë dokumentacionin brenda datës 9 shkurt 2017.”, është shprehur Totozani. (XH.A/SHUPLAKA)
Discussion about this post