Taulant Balla pas daljes nga ky komision ka deklauar se dy dëshmitarë janë shndërruar në dëshmitarë kyç.
“Ne kishim një seancë të programuar dëgjimore me tre dëshmitarë. Jemi në një fazë ku hetojmë një transaksion financiar, në kohën kur Berisha ishte kryeminsitër. Transaksioni është kryer më 16 qershor nga një bankë në Çeki me një bankë në Shqipëri. Personi që po hetojmë quhet Ndue Kalaj, nga hetimet e marra në rrugë zyrtare ka dalë që është i përfshirë. Në një nga e-mailet përmendet edhe Shkëlzen Berisha, këto janë prova në rrugë zyrëtare. Përveç Ndue Kalja do të merrej edhe dëshima e Shkëlzen Berishës. Komisioni e ka antiligjore merrjen e dëshmisë pa bërë betimin. Nëse dëshmitari nuk bën betimin dhe jep gjeneralitetet nuk ka vlerë dëshmia. Ndue Kalaj nuk jep dëshminë. Sali Berisha ka dhënë një dëshmi të pavlefshme, pasi nuk është përgjigjur fare për këtë çështje. Shkëlzen Berisha nuk pranon të bëjë betimin, këta të tre kanë rënë në një dakortësi që të mos i japin komisionit informacionet që dinë”, tha Balla.
Më pas kryetari i komisionit të CEZ shtoi: “Nue Kalaj dhe Shkëlzen Berisha janë dy persona që janë pjesë shumë e rëndësishme e hetimit. Për herë të parë në këto 15 vjet nuk ka patur komision tjetër që t’i shkojë deri në fund kësaj çështjeje . Ne veprën e krimit e kemi gjetur, që janë paratë. Ryshfetin e kemi gjetur. Tani kemi gjetur edhe sekserin që është Nue Kalaj, dhe nuk nguroj ta quaj të tillë për sa kohë ky nuk vjen në komision. Tani duam të gjejmë se ku ky i ka çuar paratë…”. (J.V/Shuplaka)
Discussion about this post