Dervishi publikon dokumentin: Enver Hoxha refuzoi t’u falë jetën deputetëve të dënuar me vdekje

Ish- Drejtori i Arkivit të Ministrisë së Brendshme, Kastriot Dervishi, ka publikuar një dokument të peridhës së komunizmit, i cili vërteton dhënien e dënimeve me vdekje ndaj disa deputetëve, të cilët kishin kërkuar falje.

Vendimi është nënshkruar më 28 Janar të vitit 1948nga Enver Hoxha, kur ai mbante postin e Ministrit të Mbrojtjes Kombëtare.

Statusi i Kastriot Dervishit:

1948/Dënimet me vdekje të grupit të dytë të deputetëve

Më 22.1.1948 Gjykata e Lartë Ushtarake dha vendimin kundër grupit të dytë të deputetëve, disa prej të cilëve u dënuan me vdekje. Para se të kryhej ekzekutimi, të dënuarit iu drejtuan me lutje të veçanta Presidiumit të Kuvendit Popullor, organit kolegjial që ishte në rolin e kryetarit të shtetit.

Para shqyrtimit të kërkesave, në mënyrë të fshehtë, ministri i Mbrojtjes Kombëtare iu drejtua Presidiumit duke i kërkuar refuzimin e faljes së jetës së të dënuarve me vdekje.

Ndër të dënuarit ishte edhe Surja Selfo, ish mik dhe shok i E.Hoxhës.

Në pleqëri të thellë, diktatori shkroi (gënjeu siç bënte zakonisht) se pushkatimi i Selfos ishte punë e Koçi Xoxes. Kjo që shihet në dokument është nënshkrimi i E.Hoxhës me të cilën kërkon refuzimin e faljes së jetëve të personave të dënuar me vdekje.