Edi Rama i ftuar në emisionin “Zona e Debatit” të Baton Haxhiut ka deklaruar se nuk ka asnjë shans që Kosovës t’i cënohet një metër katrorë tokë.
““Praktikisht çështja e territorit të Kosovës është mbyllur ditën kur është firmosur pavarësia e saj. Të dy vendet tona janë vendosmërisht krahpërkrah për të promovuar paqen. Janë krahpërkrah edhe për të mbrojtur integritetin. Ky është një konflikt i brendshëm që ka Serbia përbrenda. Nëse Serbia nuk e njeh Kosovën do ta vuajë këtë makth. Unë besoj që praktikisht që çështja e territorit të Kosovës është mbylluar ditën kur është vendosur pavarësisa e Kosovës. Kosova dhe Shqipëria janë bashkë për të mbrojtur paqen. Askush nuk duhet të dyshojë që nuk ka shans që Kosova të dënohet edhe një metër katorë. Ai mur nuk është se sfidon realisht sovranitetin e Kosovës, është një prapambejtje që vjen nga ai makthi që thashë. Ne jemi në anën e duhur të historisë”, tha Rama.
Nga ana tjetër, Rama theksoi se nuk ka asnjë luftë në horizonte dhe se ka vetëm një rrugë për të ecur drejtë dhe se shqiptarët kanë vetëm shqetësimin për të qenë në anën e drejtë të historisë. (J.V/Shuplaka)
