Kryeprokurori Adriatik Llalla ka deklaruar në emisinin “Opinion” të Blendi Fevziut se është i kërcënuar pasi edhe familja e tij për këtë arsye është larguar jashtë vendit, drejt SHBA-së.
“Fakti që unë u detyrova të largoj nga vendi familjen, kjo tregon shumë. Familja ime u detyrua të largohej nga Shqipëri , në muajin maj të vitit të kaluar. Kanë qenë dyshimet, ishin të shumta që do të merreshin akte ndaj familjes sime. Në momentin e largimit kam gjetur mbështetjen e ambasadorit të atij shteti, familja ime është në mbikqyrjen e atij shteti dhe mbrotjen e tij. Unë s’kam asnjë arsye për t’u larguar nga Shqipëria. Familja ime u largua për shkak të kërcënimeve. Të ndërpresë shkollën një fëmijë dhe të largohet është e vështirë. Kërcënimet vinin nga bandat më të rrezikshme në vend. Aktualisht janë 4 deputetë në procesin e gjykimit”, tha Llalla.
Po kështu ai deklaroi se ka patur një kontakt me email me Ambasadorin, ku i kam shprehur qëndrimin e tij. “Pa rënë pre shantazhit të tij. Ambasadori po ushtron shantazh ndaj meje nëpërmjet këtij fakti”, është shprehur Llalla. (J.V/Shuplaka)
Discussion about this post