Një ditë pasi Prokuroria e Përgjithshme bëri me dije se ambasada e SHBA-ve ka revokuar vizat për disa zyrtarë të gjyqësorit, mësohet se Gjykata Kushtetuese i ka dërguar një letër ambasadës amerikane në Shqipëri.
“Na jepni arsyet e revokimit”, mësohet të thuhet ndër të tjera në letrën mbi revokimin e vizës.
Konkretisht, kryetari i Gjykatës Kushtetuese, Bashkim Dedja, kërkon shpjegim për anëtarin e Gjykatës Kushtetuese, Besnik Imeraj, i cili ka qenë mbajtës i një vize të lëshuar nga ambasada e SHBA-ve, me afat deri në 2018-ën.
“Ju drejtohem lidhur me shqetësimin e ngritur nga z. Imeraj, pranë Trupës së Gjykatës Kushtetuese, për revokimin e vizës dhe nevojës së tij për t’u informuar mbi arsyet e revokimit, brenda kuadrit ligjor rregullator mbi të cilin ambasada e SHBA vepron.”, shkruhet në fund të letrës.
Letra mban datën 1 shkurt 2017.
Bëhet e ditur se Gjykata Kushtetuese ka informuar mbi këtë rast të paprecedentë edhe Kreun e Lartë të Shtetit, kryetarin e Kuvendit të Shqipërisë dhe Ministrinë e Punëve të Jashtme përmes letrës të dërguar në adresë të tyre. (XH.A/SHUPLAKA)
[ngg_images source=”galleries” container_ids=”1024″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post