Banorët e Zharrëzës së Fierit para pak minutash i janë rikthyer grevës së urisë për zgjidhjen e problemeve të shkaktuara pas lëkundjeve të tokës, për të cilat akuzohet kompania “Bankers Petroleum”.
Grevistët i kishin dhënë një afat qeverisë deri më datë 31 janar për dhënien e një zgjidhjeje për problemin, po askush nuk është kujtuar e askush nuk ka qenë në kontakt me ta. Ata thonë se gjithçka iu është thënë ishin fjalë boshe, e çdo letër që iu është dhënë është një paçahure.
Banorët kërkojnë t’u realizohen gjithë premtimet e dhëna në datën 26, e gjithashtu duan të vijnë të bëhen verifikimet. Shumë familje po flenë jashtë se po iu bie çatia mbi kokë e askush nuk po kujtohet për ta. Prandaj banorët thonë se do ta vazhdojnë grevën e urisë e kësaj here nuk kanë për t’u ndalur para asnjë presioni, por do t’i shkojnë deri në fund. Madje mund të përshkallëzohet deri në protesta. (A.D/Shuplaka)
Discussion about this post