Mesfushori i Kombëtares shqiptare, Jahmir Hyka, është larguar nga Luzern për t’u transferuar në Major League Soccer te skuadra e San Jose Earthquakes. Prej kohësh ishte përfolur kjo tratativë dhe më në fund u arrit të realizohet.
Përmes një postimi në Facebook, Hyka ka falënderuar të gjithë te klubi zviceranë dhe tifozët për mbështetjen, duke shpresuar që një ditë do të rikthehet sërish te kjo skuadër.
“Të dashur tifozë, shokë dhe kolegë të Fc Luzern!. Nuk është aspak e lehtë për mua që ta shkruajë këtë letër. Kalova gjashtë vite të mrekullueshme në këtë qytet, ku bëra shumë shokë dhe u zhvillova si lojtar. Por, tashmë ka ardhur koha për një aventurë të re. Dua të ju falënderoi të gjithëve nga zemra dhe shpresoj që një ditë të rikthehem këtu, që për mua është si shtëpi e dytë”, ka shkruar mes tjerash Hyka në llogarinë e tij në Facebook. (E.K/SHUPLAKA)
Discussion about this post