Pas protestave masive të disa ditëve, qeveria rumune më në fund ka vendosur të tërheqë dekretin, nga i cili përfitonin amnisti edhe zyrtarë të dënuar për korrupsion.
Protesta fillimisht nisi me vetëm 150 persona, por gjatë ditës së sotme ka shkuar në mbi 250 mijë rumunë, të cilët kanë dalë në rrugë, ndërkohë që dje ishte dita e pestë e këtyre manifestimeve.
Arsyeja e protestës së tyre është bërë një dekret qeveritar që synon dekriminalizimin e disa veprave penale që lidhen me korrupsionin. Dekret i cili shihet si një hap pas nga reformat në të cilat prej vitesh është future vendi si pasojë e integrimit në Bashkimin Europian.
Dekreti u miratua nga qeveria e re Social Demokrate e kryeministrit Sorin Grindeanu. Protesta është mbajtur veç Bukureshtit edhe në 55 qytete të tjera ku besohet se u përfshinë nga 100,000 të 150,000 pjesëmarrës. Disa qindra protestues u përleshën me policinë duke hedhur fishekzjarre dhe gurë ndaj tyre. Protestuesit mbanin në duar parulla “Shfuqizojeni ose largohuni”, “Hajdutë, hajdutë.
Ishte kryeministri Sorin Grindeanu, ai që lajmëroi se dekreti do të shfuqizohet në një mbledhje të kabinetit gjatë ditës së sotme. (D.D/Shuplaka)
Discussion about this post