Autoritetet në Misisipi të Shteteve të Bashkuara të Amerikës raportojnë se 4 persona kanë mbetur të vdekur si pasojë e disa të shtënave në një klub nate. Ky nuk është rasti i parë që një sulm godet jetën e natës në SHBA.
Shefi i policisë së qytetit Yazoo, Andre Lloyd thotë se të 4 viktimat u qëlluan në orët e para të së hënës pas një zënke në klubin e natës së quajtur Club 66.
Agjencia e lajmeve Fox raporton se 2 prej tyre vdiqën në vend, ndërsa 2 të tjerët pasi u dërguan në spital, për shkak të plagëve të marra. Nuk dihet ende se çfarë i shtyu personat të grindeshin, por ndërkohë policia po merr në pyetje disa persona. (E.K/SHUPLAKA)
Discussion about this post