Kongresmeni amerikan, ish-ndihmës i ish-presidentit Regan, Dana Rohrabacher, është një politikan me peshë në Dhomën e Përfaqësuesve që studion politikën e brendshme dhe të jashtme.”Vizioni Plus” që ishte në zyrën e tij, bën të ditur se kongresmeni i ka dërguar një letër Presidentit të Serbisë ku kërkon të shikohet mundësia e ndërrimit të territoreve.
Nga ana tjetër, ai është edhe për ndërrimin e kufijve të Maqedonisë. Sipas tij, Maqedonia nuk është shtet, ndaj kosovarët dhe shqiptarët e Maqedonisë duhet të bëhen pjesë e Kosovës.
“Ideja që do ta mbajmë Maqedoninë gjallë sepse dikush, 30 vjet më parë vendosi që ky është konfigurimi që duhet të dalë nga shpërbërja e Jugosllavisë, nuk çon në një arsyetim që kjo ide të mbahet ende.”, shprehet ndër të tjera ai.
I pyetur nëse administrata e Trump do ta mbështesë idenë e tij, ai tregon se në seancat dëgjimore që do të zhvillohen në vijim, një nga çështjet që do të diskutojmë është ndryshimi i kufijve në mënyrë që ata të kenë kuptim dhe të sjellin paqe në Ballkan. (XH.A/SHUPLAKA)
Discussion about this post