Edhe postimi i fundit i kryeministrit Edi Rama mbi aktivitetin e zhvilluar ditën e sotme në Durrës për vënien në dispozicion të 61 eskavatorëve për zhvillimin e bujqësisë është ndjekur me reagime të shumta nga komentuesit. Por ajo që ka tërhequr vëmendje kanë qenë përgjigjet thumbuese të kryeministrit Rama.
Mes komentuesve, ai i është përgjigjur edhe një vajze me emrin Rea e cila e akuzoi për gënjeshtra. “Rea, paske edhe emrin e bukur të vajzës tonë, më vjen keq që mendon se populli po fle dhe ti je zgjuar! Populli nuk fle kurrë Rea dhe sa për fshatin, a jemi kujtuar a s’jemi kujtuar, e tregojne shumë gjëra po e tregojnë edhe 2 mijë kilometra kanale që kemi pastruar dhe 40 mijë hektare që deri dje nuk ujiteshin prej cerek shekulli! Kështu që gënjeshtra ka shume po duhet t’i kerkosh gjetke dhe urimet më të mira për suksese në mesime.”, i përgjigjet Rama.
Mes komentuesve, ai i ka kërkuar njërit që të mos i qajë hallin Vangjushit, kur qytetari i është shprehur të shohë Vangjushin se mos bie në këmbë. Por Rama duket se e ka mendjen të fjetur tek Vangjushi sepse ai bie në këmbë. (XH.A/SHUPLAKA)
[ngg_images source=”galleries” container_ids=”1054″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
