Prindër, mësues e nxënës në protestë në Kavajë: Berisha shpif, nuk tregtohet drogë në gjimnaz

Nga një akuzë e ngritur nga ish-kryeministri Sali Berisha në Facebook ku akuzote kreu e Bashkisë së Kavajës se tregëtonte drogë prindërit , mësuesit, nxënës e stafi pedagogjik i shkollës së mesme të përgjithshme “Aleksandër Moisiu” në Kavajë është hedhur në protestë mesditën e sotme.

Drejtoresha e këtij gjimnazi, Rovena Xeka i ka quajtur shpifje të mirëfilltë postimin në Facebook të ish kryeministrit Sali Berisha, duke shtuar se do ta ndjekë në rrugë ligjore këtë shpifje të ulët të ish-kryeministrit, shkruan një portal online. Po kështu Xaxa u zotua se në gjimnazin e drejtuar prej saj ky fenomen nuk ekziston.

Edhe prinderit kanë dalë në mbështetje të stafit pedagogjik, duke deklaruar se janë të sigurtë për fëmijët e tyre, pasi janë nën kujdesin e një stafi pedagogjik profesionist. (J.V/Shuplaka)