19-vjeçari Shkëlzen Hasanpapaj është arrestuar nga policia holandeze pak ditë më parë për atentatin ndaj fisit Çapja në qershor të vitit të kaluar. Nga ky atentat mbetën të plagosur Florenc Capja dhe miku i tij, Bledar Muça si dhe një police kalimtare në qytetin e Elbasanit.
Sipas një portal online i riu u identifikua falë kamerave të sigurisë që kishin regjistruar ngjarjen, por edhe falë shenjave të gishtave që kishte lënë në çantën sportive ku kishte fshehur armën e atentatit, e cila u gjet në lokalin nga ku qëlloi.
Për 19-vjeçarin kishte një urdhërarrest ndërkombëtar nga policia. Po kështu policia ka mundur të dokumetojë autorësinë e tij në këtë ngjarje dhe pritet ta ekstradojë atë drejt Shqipërisë. Interpol Tirana e ka ndjekur19-vjeçarin në disa shtete, derisa u arrit të kapet në Holandë.
Detaje:
Ai akuzohet të jetë përgjegjës për atentatin e 6 qershorit 2016-të ndaj Bledar Muçës, një emër ky i njohur për policinë dhe mikut të tij, Florenc Çapja, i dyshuar për disa ngjarje kriminale në qytetin e Elbasanit. Ngjarja e rëndë ndodhi vetëm pak metra larg Drejtorisë së Policisë së Qarkut të Elbasanit, prokurorisë dhe gjykatës së këtij rrethi. I riu i arrestuar sot në Holandë ishte ulur në ambientet e jashtme të një lokali buzë rruge, kur ka qëlluar me armë zjarri në drejtim të makinës tip “Volksëagen Golf” me targë AA 997 NE, që drejtohej nga 37-vjeçari Bledar Muça.
Mësohet se nga breshëria e plumbave ka mbetur e plagosur aksidentalisht edhe një grua, kalimtare e rastit, 49-vjeçarja Matilda Kermezo, efektive e Policisë së Shtetit.
Ky ishte atentati i dytë që i bëhej 35-vjeçari Florenc Çapja dhe mikut të tij Muça. Të dy këta persona mbetën të plagosur edhe në masakrën e 3 shkurtit të këtij viti. (J.V/Shuplaka)
Discussion about this post