Shkatërrohet banda që vidhte banesa, 10 shqiptarë në pranga në Itali

Është shkatërruar në Itali një bandë hajdutësh shqiptarë që akuzohen për vjedhjen e disa banesave. Mësohet se janë vënë në pranga 10 persona.

Sipas mediave italiane, këta shtetas shqiptarë kanë vjedhur të paktën 26 banesa brenda një periudhe 2 mujore. Kanë rënë pre banesat në Piemonte, Lombardi dhe Emilia-Romana.

Shtetasit shqiptarë, identitetet e të cilëve nuk bëhen të ditur, vepronin kryesisht në zonat veriore të Italisë. Tashmë ata ndodhen në paraburgim në Novara, nën akuzën për vjedhje. (XH.A/SHUPLAKA)