Një përmbarues privat ka rënë në pranga e policia së Tiranës, pasi ka kundërshtuar urdhrin e Ministrit të Drejtësisë. Bëhet fjalë për Baftjar Nelajn të cilit me vendim të datës 11 janar 2017 50-vjeçari Baftjar Nelaj iu hoq e drejta e ushtrimit të detyrës si Përmbarues Gjyqësor Privat por ai ka vazhduar këtë ushtrojë këtë detyrë.
Specialistët e Seksionit për Korrupsionin pranë Drejtorisë Vendore të Policisë Tiranë, kanë bërë të mundur ndalimin e tij për këtë shkelje.
Detaje:
“Ndalimi i këtij është bërë pasi ka vazhduar të ushtroj detyrën funksionale si përmbarues privat edhe pas heqjes së certifikatës së ushtrimit të veprimtarisë përmbarimore, veprime këto në kundërshtim me ligjin Nr.10031, datë 11.12.2008 si dhe urdhrin e Ministrit të Drejtësisë Nr.753/2 datë 11.01.2017. Këtij shtetasi pasi i është hequr licenca, ka vijuar me kërkesa, urdhra ekzekutimesh dhe sekuestrosh në tre subjekte të ndryshme”, thuhet në njoftimin e Policisë.
Në cilësinë e provës materiale janë sekuestruar: -Kopje të shkresave të cilat vërtetojnë se pas heqjes së licencës ky përmbarues në kundërshtim me ligjin nr.10031, dt.11.12.2008, ka vazhduar ushtrimin e detyrës duke sjellë pasoja ndaj 3 subjekteve. Ky shtetas ka rezultuar me precedent penal pasi është shpallur fajtor me vendim të Gjykatës së Rrethit Gjyqësor Tiranë, për veprën penale të “Mbajtje pa leje e armëve dhe municioneve luftarake” parashikuar nga Neni 278/2 i Kodit Penal. Materialet do t’i kalojnë Prokurorisë pranë Gjykatës së Shkallës së Parë Tiranë për veprën penale të “Shpërdorimit të detyrës”. (J.V/Shuplaka)
Discussion about this post