Gazetari Klodian Tomorri ka reaguar përsa i përket lajmit se avokatja e shtetit shqiptar për ‘’CEZ’’ Alma Hiçka dhe bashkëshorti i saj kanë qenë të dy avokat për ‘’CEZ’’. Po me një dallim të madh Alma mbronte shtetin shqiptar, ndërsa bashkëshorti i saj kompaninë çeke.
Sipas Tomorrit është shumë interesante fakti sesi kur ishte pyetur në Parlament Hiçka kishte deklaruar se bashkëshorti i saj nuk kishte punuar asnjë ditë për CEZ. Një gënjeshtër e pastër kjo !
STATUSI I PLOTË:
Sa interesante qënka kjo punë:
Bashkëshorti i Avokates së Shtetit paska qenë avokat i CEZ.
Avokatja e Shtetit përfaqësoi shtetin shqiptar në zgjidhjen me mirëkuptim të marrëveshjes me CEZ. Qytetarët paguan 100 milionë euro për atë marrëveshjen.
Kontributi kryesor i avokates së shtetit është ai neni 9 i marrëveshjes që amnistoi cdo vepër penale të drejtuesve të CEZ gjatë viteve 2009-2013.
Kjo është njësoj sikur të vesh në një gjyq dhe avokti yt të jetë bashkëshorti i gjyqtares. Vetëm se ky nuk ka qënë thjesht një gjyq. Ka qënë një marrëveshje ku në lojë ishin 1 miliardë dollarë.
Por nuk mbaron këtu. Studioja ligjore ku bashkëshorti i avokates është ortak, paska qenë ajo që ka lidhur kontratën me DIA-n dhe shumë kompani të tjerë për mbledhjen e borxheve, ku shtetit desh ju grabitën edhe 100 milionë euro të tjera.
Situata bëhet edhe me interesante, pasi kur u pyet ne parlament, para se te dilnin dokumentat, avokatja e shtetit e gënjeu Parlamentin dhe mohoi që bashkëshorti i saj të kishte punuar ndonjëherë për CEZ.
Hajde shtet hajde. (E.K/SHUPLAKA)
Discussion about this post