Stafi mjekësor mbërrin me urgjencë në Policinë e Tiranës, aty ku po mbahen policët privatë të BKT-së, të cilët u vodhën gjatë mesditës së sotme në Rinas nga disa persona të paidentifikuar.
Sipas raportimeve, shoferi i njërës prej autoblindave, 31-vjeçar i quajtur Endrit Daçi, është plagosur në dorë. Ende nuk dihet nëse Daçi është plagosur me armë, me xham apo mjete të tjera. Paraprakisht, policia njofton se edhe në vendngjarje ka patur njolla gjaku.
Vetëm disa orë kanë kaluar nga grabitja spektakolare që ka ndodhur në Qafën e Kashar në afërsi të Rinasit dhe ku u vodhën më shumë se 2 milionë euro, por ende nuk ka një shifër të saktë. Autorët kanë thyer me mjete të forta xhamat e makinave që po trasportonin paratë dhe njëkohësisht kanë qëlluar me armë zjarri kundrejt tyre. Këto para do të dërgoheshin drejt Vjenës, me një avion që u nis pak minuta më parë nga Rinasi dhe janë tërhequr nga Banka e Shqipërisë, për një bankë të nivelit të dytë, nga BKT-ja. (D.D/Shuplaka)
Discussion about this post