I ftuar në emisionin “Opinion” të Blendi Fevziut, gazetari Dashamir Biçaku tha se një nga grabitësit që vodhën paratë nga dy autoblindat e BKT-së sot në afërsi të Rinasit, është larguar me motor.
Sipas Biçakut, pasi grabitësit kanë djegur automjetet me të cilat bllokuan autoblindat e BKT-së, ata kanë marrë dy mjete të tjera, ndërsa një tjetër është larguar me motorr.
Sipas raportimeve të policisë autorët kanë thyer me mjete të forta xhamat e makinave që po trasportonin paratë dhe njëkohësisht kanë qëlluar me armë zjarri kundrejt tyre. Këto para do të dërgoheshin drejt Vjenës, me një avion që u nis pak orë më parë nga Rinasi dhe janë tërhequr nga Banka e Shqipërisë, për një bankë të nivelit të dytë, nga BKT-ja.
Ndërkohë policia ka arrestuar edhe pesë punonjësit e policisë, të cilët akuzohen për shpërdorim detyre dhe dyshohet së ndonjë ata mund të ketë lidhje me autorët pasi ata e dinin shumë mirë itinerarin dhe detaje të tjera të autoblindave.
Kjo grabitje është konsideruar si “Deja Vu”, pasi vetëm brenda dy viteve të fundit kanë ndodhur edhe tre grabitje të tjera në kryeqytet. (D.D/Shuplaka)
Discussion about this post