Peza pas dëshmisë në Prokurori: Rikonfirmoj nuk ka asgjë të paligjshme në pasurinë time

Deputeti socialsit, Alfred Peza, ka dëshmuar mesditën e kësaj të premte përpara Prokurorisë lidhur me pasurinë e tij. 

Në një prononcim të shkurtër për mediat pas daljes nga organi i akuzës, Peza u shpreh se pasuria e tij nuk ka asgjë të paligjshme dhe se është i hapur për hetime.
 
“Është një procedurë normale që zbatohet në të gjitha çështjet e tilla. Përsa i përket hetimit, s’dua të bëj asnjë koment, t’i lemë të bëjnë detyrën. Sa më takon personallisht, rikonfirmoj se nuk ka asgjë të jashtëligjshme në pasurinë time dhe të familjarëve të mi”, u shpreh Peza. 

Prokuroria e Përjgithshme njofoti se ka nisur hetimet për tre akuza ndaj deputetit socialist. Organi i akuzës ka ngritur tre akuza për Pezën si falsifikimi, deklarimi i rremë i pasurisë dhe evazioni fiskal. 

Ndaj Alfred Pezës po zhvillohen dy hetime paralelisht, nga ILDKPI dhe hetimi penal që po kryehet nga Prokuroria e Përgjithshme. (E.K/SHUPLAKA)