Pak orë më parë Avokati i Popullit publikoi listën e kandidatëve për organet kryesore që do të realizojnë procesin e Vettingut në Drejtësi. Mes 191 emrave, spikat edhe ish-kryeprokurorja Ina Rama, paraardhësja e Adriatik Llallës.
E 88-ta në radhë, Ina Rama mund të jetë një nga nga personat që do të luajë një rol të rëndësishëm në procesin e Vettingut.
Në kohën e qeverisë Berisha, Ina Rama u votua nga parlamenti si kryeprokurore por pas ngjarjeve të 21 janarit të 2011-ës, ajo u sulmua keq fare nga kryeministri i asokohe.
Rama mbeti pa punë që pas 14 korrikut të 2014-ës, kur Gjykata Administrative rrëzoi kërkesën e saj, për t’u rikthyer si gjyqtare në Gjykatën e Apelit, pas refuzimit të mëparshëm nga Këshilli i Lartë i Drejtësisë. (D.D/Shuplaka)
