Cristiano Ronaldo nuk është parë sot të stërvitet me skuadrën e tij në fushën e gjelbër, ndërsa Real Madridi ka vazhduar përgatitjet kundër Napolit në Valdebebas. Shkak për këtë mungesë është bërë një goditje në këmbën e djathtë të Ronaldos, të cilën e mori të shtunën pasdite në Pamplona, në ndeshjen kundër Osasunas, e cila u fitua 3-1.
Teorikisht “CR7” duhet të dalë në stërvitje nesër me shokët e tij, por situata nuk është plotësisht e qartë. Ka punuar ndërkohë me skuadrën Gareth Bale, që synon të jetë në dispozicion pasnesër, por Zidane nuk dëshiron ta përshpejtojë kthimin e tij. Në rast të mungesës së Bale, kundër napoletanëve do të luajë Lucas Vazquez, autori i golit të tretë ndaj Osasunës. (B.L/Shuplaka)
Discussion about this post