Shën Valentin edhe…? Është dita ku shumë kujtohen të duan edhe pse gjatë gjithë vitit kanë harruar të japin qoftë edhe një përqafim për të dashurit e tyre të zemrës. Po në këtë ditë është një çift që për një vit të tërë ka bërë xhiron e botës.
Karlie Wright dhe Ryan March janë një çift të rinjsh anglez që vitin e shkuar an qenë në qendër të vëmendjes për shkak të një mesazhi që Ryan i shkruajti ish-të dashurit të Karlie.
Ai e falenderonte atë që ishin ndarë, pasi në këtë mënyrë ai arriti të njihte të dashurën e tij. Edhe sot ata janë bashkë dhe nuk kanë munguar ta shprehin dashurinë për njëri-tjetrin edhe përmes fotove.
Mesazhi që Ryan i dërgonte ish-it të të dashurës së tij Marsin e vitit të shkuar:
Djalit që të la të shkoje, Faleminderit ! Faleminderit që e le dhe nuk është më pjesë e jetës tënde. Faleminderit që më dhe mua mundësinë ta doja të bëja gjërat që e lumturojnë. Faleminderit që e lëndove të dashurën time. Unë do përpiqem të bëj më të mirën që të mos i shkaktoj dhimbje dhe lot. Do të bëj të gjitha gjërat në të cilat ti dështove t’i bëje për të kur ajo ndihej vetëm dhe thjesht një opsion.
Do dëgjoj të gjitha historitë e saj sado të çuditshme të jenë dhe do t’i jap vëmendje edhe kur ajo nuk e kërkon. Do kujdesem për vajzën që ti dështove ta vlerësoje. Do ta dua dhe do të bëj gjithçka që ajo të qëndrojë me mua. Do ta dua për atë që është dhe do ta mbështes të bëhet ajo që do. Do të jem partneri që ti dështove të ishe për të. Do të jem burri që nuk do të bëj kurrë të njëjtin gabim që bëre ti. Nuk do të lë kurrë të shkosh”, ka shkruar djali në një postim në Facebook. (E.K/SHUPLAKA)
Discussion about this post