Deputeti i Partisë Socialiste, Erion Braçe, ka reaguar pas Sali Berishës dhe Lulzim Bashës lidhur me vendimin e Apelit tek Krimet e Rënda për të shpallur të pafajshëm vëllezërit Shyti dhe anëtarët e tjerë të bandës “Hakmarrja për Drejtësi”.
Me nota ironie drejtuar ish-kryeministrit dhe kryedemokratit Basha, socialisti mbështet indirekt vendimin duke thënë se anëtarët e kësaj organizate nuk mund të konsiderohen banditë për aq kohë sa kanë statusin e azilantit politik në vende të ndryshme të Bashkimit Europian.
“I mirekuptoj ulërimat e Sali Berishës për këtë “Hakmarrjen” e tij. Natyrisht që i dëgjoj me vëmendje dhe “konkluzionet” e tij me Albanistan, banda, lidhje të banditit Edi Rama me banditë të tjerë.
Ashtu siç edhe klithmat e çunit, për skenarë me banditë në zgjedhje.
Hall tjetër ky çuni, Lulzimi gjithnjë.
Një pyetje e kam ama
Po këto vendet e BE që kanë 20 vite që i kanë dhënë “azil politik”, edhe një herë “azil politik”, këtyre “banditëve” të shpallur nga Sali Berisha e Lulzim Basha, të dominuar nga banditët janë?
Domethënë Sali e Lulzim;
Vendimi nuk është dhënë sot (dje)! Kot bërtisni!
Në BE, ka vite që kanë marrë këtë vendim.
Banditët e shpallur nga ju, janë azilantë politikë, të mbrojtur në vendet e BE-së.
Domethënë vendimet e gjykatave këtu, në kohën tuaj, nuk janë marrë hiç parasysh në BE, përkundrazi, ato vendime i kanë dhënë azilin politik atyre.
Këtë a na i shpjegoni dot?”, shkruan Braçe.
(XH.A/SHUPLAKA)
