Vetëm pak minuta më parë policia ka nisur një aksion për kapjen e autorëve të grabitjës së Qafës në Kasharit. Operacioni masiv po zhvillohet nga ajëri dhe toka për kapjen e autorëve në Prezë dhe Vorë. Të pranishme janë forcat RENEA, Policia e Shtetit dhe FNSH-ja.
Bëhet fjalë për grabitjen që ndodhi vetëm pak ditë më parë në afërsi të Rinasit ku u vodhën 3.2 milionë euro. Sipas të dhënave paraprake janë lokalizuar dy prejt autorëve të grabitjes në këtë zonë. Deri më tani policia është përqëndruar në në pallat në Vorë.
Po kështu një person tjetër është ndaluar së fundmi nga policia, nën akuzën e përfshirjes në këtë grabitje që ndodhi në 9 shkurtit.
Është ndaluar nga policia në kuadër të hetimeve shtetasi me iniciale F. XH. Ai u shoqërua fillimsht nga policia në cilësinë e të dyshuarit, së bashku me vëllanë, por në ndryshim nga ai nuk u la i lirë.
F. XH. nga Lushnja dyshohet se ka qenë bashkëpunëtor në grabitje dhe prej tri ditësh nuk mundet të kontaktojë me askënd, pasi mbahet në izolim.
Nga verifikimet e deritanishme të kryera përmes antenave të kompanive celulare, rezulton se të dy vëllezërit kanë qenë të pranishëm 30 minuta para dhe pas grabitjes, në zonën përreth Qafës së Kasharit dhe Rinasit, ndërsa njëri prej tyre është punonjës i një policie private. (J.V/Shuplaka)
Discussion about this post