Shkarkohet nga Televizioni Publik Shqiptar kantautori Kujtim Prodani? Kjo është pyetja që të lind pas statusit të çuditshëm të tij.
”LAMTUMIRE T.V.SH ! (me erdhi radha…..) Falenderoj bashkepunetoret dhe, natyrisht TELESPEKTATORET !”, shkruan Prodani, duke mos dhënë më shumë detaje.
Vetëm pak ditë më parë drejtori i Përgjithshëm Thoma Gëllçi shkarkoi edhe artistët Shpëtim Saraçi, Edmond Zhulali dhe Alfred Kaçinari. Ata konfirmuan shkarkimin por Gëllçi tha se do shihte mundësitë për rregullimin e tyre në strukturën e re, pas ristrukturimit.
Zakonisht shkarkimet nga puna në institucionet publike shqiptare gjatë këtyre viteve janë bërë në këtë mënyrë, nëpërmjet ristrukturimit. Prodani vetëm pak ditë më parë, më 12 janar kaloi edhe një fatkeqësi, nëna e tij, këngëtarja Anita Take u nda nga jeta. (V.G/SHUPLAKA)
Discussion about this post