30 kilogramë drogë në banesën e tyre, në prangat e policisë baba e bir

 Policia e Tiranës ka vënë në pranga dy persona pasi në banesën e tyre u është gjetur  lëndë narkotike e dyshuar si Cannabis Sativa. Në banesën  e 57-vjeçarit Xhevat Gjeldiu dhe të 23-vjecarit Muhamet Gjeldiu, atë e bir,  u sekeustetuan rreth 30 kilogramë hashash.

Detaje: 

 Më datë 13.02.2017, Specialistët e Seksionit për Narkotikët në Drejtorinë Vendore të Policisë Tiranë kanë bërë të mundur arrestimin në flagrancë të shtetasve: – Xhevat Gjeldiu, 57 vjeç, banues në Tiranë -Muhamet Gjeldiu, 23 vjeç, banues në Tiranë.  Arrestimi i këtyre shtetasve u bë pasi gjatë një kontrolli të banesës së tyre në fshatin Brar i’u gjet lëndë e dyshuar narkotike e llojit Cannabis Sattiva. Në cilësinë e provës materiale u sekuestrua: -29.95 (njëzet e nëntë pikë nëntëdhjetë e pesë) kg. lëndë e dyshuar e llojit Cannabis Sattiva me gjithë amballazh. -3.5 (tre pikë pesë) kg. farë, lëndë e dyshuar narkotike e llojit Cannabis Sattiva Materialet i’u kaluan Prokurorisë pranë Gjykatës së Shkallës së Parë Tiranë për veprën penale të …….. parashikuar nga Neni 283/2 i Kodit Penal. (J.V/Shuplaka)