Pak ditë pas grabitjes së blindit me para të një banke në rrugën e Rinasit,ku u grabitën 3.2 milionë euro policia duket se ka disa të dyshuar dhe madje di edhe vendndodhjen e tyre. Që prej paradites së sotme forca të shumta policie kanë nisur kontrollet nga toka dhe ajri në zonën e Vorës dhe Prezës.
Sipas informacioneve zyrtare, një numër i madh efektivesh ka kryer një aksion blic pasditen e sotme në Prezë e Vorë, ku po kontrollohen banesat dhe bizneset e autorëve të dyshuar të grabitjes. Disa nga banesat janë në afërsi të Kalasë së Prezës.
Në deklaratën zyrtare pas grabitjes së ndodhur më 9 shkurt, policia tha se ishin 6-7 autorët e sulmit me armë ndaj dy blindave të një banke të nivelit të dytë, njëri prej të cilëve kishte shumën e parave. (J.V/Shuplaka)
