E përndiqte për një kohë të gjatë pasi kishte një dëshira për të patur lidhje me një grua, nënë e dy fëmijëve. E gjithë kjo nuk i ka kushtuar pak, por një vit e gjysmë burgim, Alban Hadërit nga Tirana.
Për një kohë prej 8 muaj, 24-vjeçari ka përndjekur një grua, për ta detyruar që ajo të krijonte lidhje intime me të. Për të nuk ishte aspak problem që gruaja që përndiqte ishte e martuar dhe me dy fëmijë.
“Prej 8 muaj e në vazhdim, ky person më ndjek nga pas dhe kërkon me çdo kusht që unë të krijoj lidhje intime me këtë person. Unë jam munduar ta sqaroj dhe t’i bëj me dije se unë jam grua e martuar, kam 2 fëmije të mitur dhe të më lëri të qetë por personi sërish nuk bindet. Unë jam drejtuar disa herë në polici ku dhe kam depozitur kallëzim penal ndaj këtij shtetasi por ai nuk merr vesh”, është shprehur në dëshmi gruaja e përndjekur.
Insistimet e të pandehurit shkuan deri në atë pikë saqë për të detyruar gruan të pranonte lidhjen, i ka thyer xhamat e banesës. Ky akt frikësoi më shumë të përndjekurën e cila iu drejtua policisë me një denoncim, që mundësoi edhe arrestimin e Alban Hadërit, shkruan Top Channel. Po kështu edhe ai pranoi edhe akuzën që u ngrit ndaj tij. (J.V/Shuplaka)
Discussion about this post