Pas arrestimit të katër autorëve të dyshuar për grabitjen 3.2 milion dollarëve në Rinas, ministri i Punëve të Brendshme, Saimir Tahiri, tha se më në fund doli fjala e tij.
“Kjo është një ditë si gjithë të tjerat për Policinë e Shtetit, ku për fat të keq përveç sulmit, baltës që na kanë hedhur, kemi mundur t’i vërtetojmë shqiptarëve që kemi arritur të bëjmë atë që është e drejtë për të gjithë. Kisha të drejtë kur ju thoja të prisnit, por ju s’më dëgjuat. Fjala ime doli.
Falenderoj edhe ata që me mosbesimin e tyre na kanë nxitur të punojmë më mirë, kjo është padyshim policia që duam, dhe energjia që duam. Policia e Shtetit është në krye të detyrës, s’ka lidhje me të kaluarën. Ata që janë sot kundër policisë, janë një pakicë e vogël që janë edhe kundër Vettingut dhe drejtësisë në vend. Po rata, janë shumë pak për të na vështirësuar punën. Ju falenderojmë edhe juve gazetarëve që na keni ndihmuar të komunikojmë me publikun, kohët e fundit edhe më intensivisht, dhe sëbashku kemi vërtetuar se jemi një grup i mirë, prandaj ju them bravo çuna.”, tha Tahiri.
Më pas ai shtoi se Policia e Shtetit shërben si vijë ndarëse për dy Shqipëri.
“Kini besim, se sot është vija ndarëse midis shqiptarëve që duan një Shqipëri më të drejtë dhe asaj pakice që do ta mbajë vendin peng. Policia e Shtetit është vija ndarëse midis dy Shqipërive. Kundër policisë është ajo pakicë kundër Vettingut. Na duhet vetëdija, forca, energjia, bashkëpunimi i secilit.”, e mbyll fjalën Tahiri. (D.D/Shuplaka)
Discussion about this post