Ish-kryeministri Berisha ka reaguar për herë të parë për arrestimet e grabitësve të Rinasit, por jo për të përgëzuar Policinë. “Një dëshmi e re për shown policor!! Ja çfarë dëshmon nëna e njërit prej Babagysheve të bankave”, shkruan Berisha në Facebook mbi fotot e publikuara.
Në këto foto ai ka postuar SMS-të për të cilat pretendon se i kanë ardhur nga nëna e njërit prej të arrestuarve. Nëna në këto SMS i shkruan Berishës se djali i saj kishte dijeni për grabitjen, por nuk është “koka” e bandës. Sipas saj, Policia e mori në telefon dhe i tha se do ta kapte. Nëna tregon se djali i saj u tha se do të vinte vetë në Komisariat, por Policia tha se do të shkonte ta arrestonte. (J.V/Shuplaka)
