Pas grabitjes në afërsi të Rinasit, për të cilën ranë në pranga dy ish- komando që kanë luftuar në Afganistan, gazetari i njohur i kronikës Flamur Vezaj sjell një vështim krejt të ri mbi atë se çfarë ndodh me Forcat e Armatosura.
Nëpërmjet një postimi në Facebook, Vezaj shkruan se ushtarët hidhen në rrugë, pa asnjë qindarkë dhe asnjë plan për rehabilitimin, punësimin dhe integrimin në shoqëri, menjëherë pasi trajnohen të bëhen vrasës profesionistë.
“Fatkeqësisht, me arsye të ndryshme, Forcat e Armatosura çdo vit nxjerrin në lirim ushtar profesionist, të stërvitur, që nuk dijnë të bëjnë gjë tjetër, veç asaj çfarë kanë mësuar, të mbrohen dhe të vrasin! Ata nxirren në rrugë të madhe, pa asnjë qindarkë, pa asnjë plan rehabilitimi apo integrimi në shoqëri, pa asnjë mundësi punësimi alternativë (në polici duhet të gjesh mik) apo ndonjë asistencë psikologjike ndaj këtyre personave!”, shkruan Vezaj.
Lidhur me rehabilitimin e tyre, sipas Vezajt duhet të mendojnë pasi FA-të dhe Ministria e Mbrojtjes dhe jo t’i lërë rrugëve, të tunduar t’i futen botës së krimit.
POSTIMI I PLOTË
Ushtarë me nder apo “vrasës” në hije!? Forcat e Armatosura, konkretisht efektivët e Batalionit “Komando”, që nderojnë Shqipërinë në vendet të ndryshme në konflikt apo missione paqëruajtëse, kanë edhe anën e errët!! Shumë efektivë të këtij batalioni ndër vite, të stërvitur vetëm me taktika ushtarake dhe operacione speciale, thënë ndryshe nuk bëjnë gjë tjetër vetëm stërviten për tu bërë “vrasës”!
Kohët e fundit, disa prej këtyre efektivëve të liruar nga detyra (me arsyen e mbarimit të kontratës) janë bërë “vrasës” me pagesë ose dyshohen për të tillë në Shqipëri! Sipas informacioneve operative të policisë, në disa raste dyshojnë se vrasjet pa autor dhe pa gjurmë në vendngjarje, janë kryer nga profesionist, të ish-forcave komando!
Disa të tjerë, janë bërë grabitës (si këta të fundit)! Por ajo që është më shqetësuese, është fakti se ka nga ata ish-ushtarë të forcave “Komando” që kanë përfunduar si “mercenar” me pagesë apo luftëtarë për shkak të besimit në konfliktin Sirian, emrat e disa prej tyre tashmë janë publikuar! Fatkeqësisht, me arsye të ndryshme, Forcat e Armatosura çdo vit nxjerrin në lirim ushtar profesionist, të stërvitur, që nuk dijnë të bëjnë gjë tjetër, veç asaj çfarë kanë mësuar, të mbrohen dhe të vrasin! Ata nxirren në rrugë të madhe, pa asnjë qindarkë, pa asnjë plan rehabilitimi apo integrimi në shoqëri, pa asnjë mundësi punësimi alternativë (në polici duhet të gjesh mik) apo ndonjë asistenc psikologjike ndaj këtyre personave!
Dhe kështu, disa prej tyre që nuk arrijnë të gjejnë vetën në shoqëri, përfundojnë në vrasës me pagesë, grabitës ose mercenarë jashtë Shqipërisë! Ka ardhur koha, që Forcat e Armatosura e Ministria e Mbrojtjes, të kthej syt nga kjo kategori njerëzish, potencialisht të prirur për krime të rënda me programe dhe politika sociale! #Suksese_në_jetë_ushtarë# #Vrasës_që_si_duam# #RESPEKTE_FA# (D.D/Shuplaka)
Discussion about this post