Sherr mes prindërve dhe nxënësve të klasës së 7-të, deputeti i PD-së: Komisariati vetëm 30 metra larg, por s’ka bërë asgjë!

Deputeti i PD-së Luçiano Boçi, raporton përmes Facebook-ut një ngjarje tejet të rëndë, që ka ndodhur në një nga shkollat e kryeqytetit, e cila sipas tij është mbajtur e fshehtë nga mediat.

Sipas Boçit, pas një sherri midis nxënësve të klasës së shtatë, prindërit e njërit prej tyre kanë masakruar tjetrin, ndërkohë që policia nuk ka bërë asnjë gjë.

“Pas një sherri midis nxënësve, prindërit e njërit prej tyre masakrojnë nxënësin e klasës së shtatë.
Fëmijët kanë përjetuar tmerr. 
Komisariati ndodhet vetëm 30 m larg dhe nuk ka ndërhyrë.
Drejtoria rri e vështron.
Ndërkohë ngjarja është mbajtur larg mediave.”, shkruan Boçi.
Ndërkohë, deputeti shprehet se shkollat tona dalëngadalë po shndërrohet në arena përleshjeje.

POSTIMI I BOÇIT

“Skandal në shkollën “Lasgush Poradeci” në Tiranë.
Pas një sherri midis nxënësve, prindërit e njërit prej tyre masakrojnë nxënësin e klasës së shtatë.
Fëmijët kanë përjetuar tmerr. 
Komisariati ndodhet vetëm 30 m larg dhe nuk ka ndërhyrë.
Drejtoria rri e vështron.
Ndërkohë ngjarja është mbajtur larg mediave.
Ministria sikur nuk ekziston.
Shkollat tona nuk po ofrojnë më as arsimim, as dije, as siguri.
Po shndërrohen dalngadalë në arena përleshje.
Arsimi po lëgon!” (D.D/Shuplaka)