Një shtetas i ri është vënë në prangat e Policisë së Fierit, pasi qëlloi disa herë me thikë një person në Fier.
Është arrestuar Arsen Ferko 23 vjeç, i cili akuzohet se qëlloi me thikë disa herë shtetasin me iniciale E. B. 35 vjeç.
Si pasojë e plagëve të marra, 35-vjeçari ka mbetur i plagosur dhe është transportuar menjëherë në spitalin rajonal të Fierit, për marrjen e ndihmës shëndetësore të nevojshme.
Grupi hetimor ka vënë në pranga autorin dhe ka sekuestruar armën e ftohtë të krimit. Ndërkaq, po punohet për zbardhjen e plotë të ngjarjes. (XH.A/SHUPLAKA)
